Continue To Collection

Continue To Collection

Continue To Collection

Kukarabatiwa kwa mtaro wa maji wa Yatta na serikali ambao uko na ukubwa wa kilomita 50 umeongeza uwezo wa upatikanaji wa maji kwa wakazi wa Yatta kaunti ya Machakos.Maji hutoka mto Thika kaunti jirani ya Kiambu,kisha kutiririka kupitia mtaro huo hadi kaunti ya Machakos. Mtaro huo umekarabatiwa kwa kujengewa kuta kandokando kwa kutumia saruji ili kuzuia kuziba kwa mtaro huo.

Ili kukabiliana na ugonjwa wa Kipindupindu, zaidi ya kuhimiza wakaaji kujenga choo, kaunti ya Embu pia inaelimisha wanakijiji kutumia choo na kukuwa wasafi kupitia wanafunzi, viongozi wa vijiji na madaktari wa nyanjani. Kupitia mbinu hizi idara ya afya imeweza kupunguza kesi za kipindupindu.

Uchimbaji wa vyoo na kuelimisha jamii kuhusu umuhimu wa kujenga na kutumia vyoo kumesaidia kuangamiza ugonjwa wa kipindupindu kaunti ya Embu.Idara ya afya inatumia madaktari wa nyanjani wakujitolea kuelemisha watu umuhimu wa kujenga na kutumia choo kwa njia nzuri.Wanahakikisha kuwa kila boma limejenga angalau choo kimoja.

Vikundi mbalimbali vya wakazi wa kaunti ya Makueni vinatumiwa sana kutunza mazingira.Wanakijiji hushika doria ili watu wasikate miti kwa ajili ya kutengeneza makaa. Hivyo basi kutengeneza mazingira bora ya maji kurudi.Hadi kufikia sasa eneo hilo limeshuhudia ongezeko la miti takriban 4,000.

Kilimo kimesaidia sana kumaliza unyanyapaa na kutengwa kwa watu wanaouguwa ugonjwa wa ukimwi kaunti ya Kakamega. Baada ya vikundi vya watu wanaouguwa ugonjwa huo kupata mafunzo ya kilimo cha kisasa. Sasa wanapata mazao ambayo huuzia jamii na kwa kufanya hivyo wanakuwa na ukaribu nao.

Serikali ya kaunti ya Makueni imeboresha huduma za afya kwa wazazi na kupunguza visa vya vifo vya watoto wachanga na wajawazito. Uboreshaji huo ni pamoja na ujenzi wa zahanati kutoka 50 hadi 143 mashinani.Tangu kuboreshwa kwa huduma hizo za afya idadi ya wajawazito na watoto wachanga kuaga dunia imepungua.

Shirika la kijamii la Human Development Agenda linapunguza uhalifu na mzozo unaotokana na vijana kukosa ajira kwa kuwapa ujuzi ili waweze kujitegemea kwa jamii. Kwa muda wa miezi sita hadi minane, vijana hususan wenye hawana kazi ya kufanya wanapewa ushauri nasaha na mafunzo ya kuwasaidia kujikimu kimaisha kama somo la biashara. Tayari vijana zaidi ya 130 wamewezeshwa.

Kupitia mradi wa "Tuwajali Wajane" zaidi ya wajane 800 wamefunzwa na kuwezeshwa kujitegemea kifedha. Wanapata ushauri nasaha, mafunzo ya kibiashara na pia kuunganishwa na hazina za wanawake ambayo wanapewa mikopo ya biashara.

Huduma za upangaji uzazi zinazotolewa kaunti ya Kakamega zimesaidia kupunguza vifo vya wajawazito na watoto wachanga.Wahudumu wa afya nyanjani walianza kuwaelimisha wakazi wa Kakamega kuhusu mbinu za upangaji uzazi.Kwa Sasa visa vya kina mama wanaojifungua na kufariki vimepungua.

Uhamasisho wa wakaaji wa Mbeere Kusini dhidi ya kuwachisha wanafunzi shule ili wasaidie katika kilimo na biashara ya miraa inazaa matunda. Kupitia mikutano za hadhara ambazo zinaandaliwa mara mbili kwa mwezi na idara ya utawala katika vijiji kupitia machifu na manaibu wao, wananchi wamekuwa wakielimishwa na kuhimizwa kuhusu umuhimu wa elimu kwa watoto na madhara ya kuwahusisha katika shughuli za miraa.

Kikundi cha vijana 4 kutoka kaunti ya Kisumu wanatengeneza mafuta ya kupikia kwa kutumia mabaki/uchafu wa samaki. Uchafu huo unachukuliwa kutoka soko la Jubilee na soko la samaki lililoko Obunga kisumu na kupeleka katika kiwanda chao cha kutengeneza mafuta hayo.Kilo moja ya matumbo ya samaki ina uwezo wa kuzalisha milimita 600 ya mafuta ya omega 3.

Ukosefu wa maji katika wadi la Makima ilikuwa inalazimisha wakaazi kwenda masafa marefu kama kilomita tano kuyatafuta. Mmoja wapo wa hatari wa safari iyo ilikuwa kuliwa na mamba ambao walikuwa wanapatikana kwenye bwawa la maji. Lakini mradi wa kuleta maji karibu na wakaazi kupitia kuweka matangi katika soko mbali mbali yameondoa tatizo la maji na hatari iyo ya mamba.

Wakulima wa maembe katika Kaunti ya Makueni wamesaidika kupunguza hasara baada ya Serikali ya kaunti kuweka mbinu mbali mbali ili kuwaepusha na hasara hizo zilizoletwa na ukosefu wa soko na mazao kuliwa na wadudu waharibifu. Kwa kuwaundia kiwanda cha kusagia maembe na kuwaelimisha jinsi ya kutumia mitego badala ya kemikali ili kunasa wadudu waharibifu, wakulima wa maembe wameweza kupanua soko yao na kufikia hadi soko za kigeni.

Elimu ya watu wazima imesaidia wakazi wa kaunti ya Bungoma kupata ajira.Hii ni baada ya wazee ambao walikuwa hawana elimu kurudi shuleni na kusoma. Kwa sasa wanathaminiwa katika jamii kama watu wenye tajriba baada ya kupata vyeti.Wengi wa waliopata elimu hiyo kwa sasa wamepata ajira sehemu mbalimbali.

Ili kuwaepusha vijana kujiunga na uhalifu na kuzama kwenye mihadarati kutokana na kukosa nafasi za kuendelea na masomo, mradi wa ujuzi wa mtaani katika eneo bunge la Mvita kaunti ya Mombasa umesaidia zaidi ya vijana 11,000 kujiunga na shule za ufundi stadi na kuwapa ujuzi wa kujikimu kimaisha. Mradi huo unawalenga vijana waliomaliza darasa la nane na kidato cha nne ambao hawawezi kuendelea na masomo kwa sababu ya umaskini.

Mbinu mbalimbali za kiafya zilitumika kuzuia kusambaa kwa mbu anayesababisha homa ya chikungunya kutoka kaunti ya Mombasa hadi kaunti jirani ya Kilifi.Hamasa hizo zilitolewa na wahudumu wa afya wa nyanjani wa kujitolea katika gatuzi ndogo 4 za Rabai.Ambapo wahudumu walizungukia nyumba kuhakikisha kuwa mazingira ni safi na kwamba hakuna maeneo ya mbu kuzaana.

Kikundi cha vijana kutoka kaunti ya Kisumu wanatumia takataka za nywele za plastiki kutengeneza mikeka na mazulia. Vijana hao hufanya kazi na wanawake 5 wanaomiliki salon ambao hukusanya takataka hizo za nywele kisha wakawakabidhi vijana hao. Pia vijana hao hutoa mafunzo kwa vikundi vya watu Kisumu ili waendeleze kazi hiyo. Uvumbuzi huo umechangia pakubwa kudhibiti uchafu katika ziwa victoria.

Kufuatia mkurupuko wa homa ya Chikungunya kaunti ya Mombasa, serikali ya kaunti iliweka mikakati mbalimbali ya kukabiliana na mkurupuko huo. Ikiwa ni pamoja na utumizi wa magari ya kupuliza dawa kuua mbu.Magari 5 yalitumiwa katika zoezi hilo ambapo yalizunguka maeneo bunge yote 6 kaunti ya moja kwa kipindi cha mwezi mmoja.

Ili kukabili mkurupuko wa homa ya dengue, serikali ya kaunti ya Mombasa pia iliajiri vijana waliozibua mitaro ya maji taka na kutibu visima vya maji kila eneo bunge. Wakazi pia walishauriwa kujipaka mafuta ya kufukuza mbu na kuvaa nguo ndefu za kufunika miguu.

Serikali ya kaunti ya Mombasa ilitumia wahudumu wa afya wakujitolea kutoa hamasa kwa jamii kuhusu umuhimu wa kuweka mazingira safi.Kila mhudumu wa afya alipewa nyumba 50 za kutembelea na kuwahamasisha wanajamii kuhusu maswala ya afya hasa homa ya dengue.Hatua iliyopelekea kupungua kwa visa vya homa ya dengue.

Kampuni ya kusambaza mbolea ya Yara imetoa mafunzo kwa wakulima kaunti ya Bungoma kuhusu mbinu mpya za kisasa za kilimo.Wakulima 76 wamepata mafunzo ya mbinu za kisasa za kilimo ikiwa ni pamoja na kushauriwa kupanda mihogo ili kukabiliana na uhaba wa chakula.Na upanzi kwa kutumia mbinu ya kuweka nafasi inayotakikana kiukulima ili kupata mazao mazuri.

Utumizi wa plastiki kujenga nyumba ya vifaranga kaunti ya Bungoma inatunza mazingira pamoja na kupunguza gharama ya kujenga nyumba hizo. Kwa kutumia mabaki ya plastiki hususan mtungi za mafuta ya kupika, wafugaji wa kuku wanajenga sanduku zinazotumika kama nyumba ya kufuga vifaranga wa siku moja hadi mwezi mmoja.

Kaunti ya kisumu na shirika la kijamii la Kidogo limejenga kituo cha kina mama kuingia na kunyonyesha watoto wao katika soko la Kibuye. Kituo hicho kinatoa mazingira mazuri na tulivu ya kina mama kunyonyesha watoto wao. Mama anapofika katika kituo hicho, kuna mhudumu wa afya anayeshika mtoto ili mama aoshe mikono, kisha apewe kiti akae anyonyeshe mtoto. Pia kuna jokovu la kuhifadhi maziwa ya mama kwa walio na maziwa mengi na wengetaka kukamua.

Shirika la wanyama pori Kaunti ya Kwale limeanzisha uchimbaji wa vidimbwi vya maji na kuhamasisha wananchi kuhusu tabia za wanyamapori ili kupunguza mizozo kati ya binadamu na wanyamapori.Vidimbwi vinachimbwa kwenye mbuga za wanyamapori na jamii kupewa matangi ya maji. Pia wanaendeleza hamasaha kupitia kwa vyombo vya habari na vijijini.

Wavuvi kutoka eneo la Wasini Kaunti ya Kwale wanapanda miamba ya matumbawe mbadala baharini.Hii ni baada ya wao kupata mafunzo kutoka kwa watafiti wa sayansi kutoka shirika la KMFRI. Wanachukua mbegu kutoka baharini.kisha wanazipanda kwenye jiwe walilolitengeneza kwa kutumia simiti baada ya wiki 3 ikiwa imekauka vijana 18 wanapiga mbizi baharini na kupanda.